Plantun de Prouvènço

Pèr coumpara dos planto d'encò nostre

Minuartia verna & Sesleria argentea

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Seslerìo(-argentado)

Sesleria argentea

Poaceae Graminaceae

Nom en français : Seslérie argentée.

Descripcioun :
La seslerìo-argentado trachis dins li relarg à la sousto, souvènt di caupre-óubloun. Fai de paumo pulèu longo, en formo d'espigo de coulour blanquinouso o argentado. Se recounèis peréu à si fueio plegado e à si glumo en lanço emé uno arèsto un pau duro e quàsi espinouso de 1 à 2,5 mm (fotò). Li lemma soun peréu courtamen barbudo (0,5 à 2 mm). S'atrobo subretout dins lis Aup marino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Sesleria
Famiho : Poaceae
Famiho classico : Graminaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 4 à 9 cm
Flourido : Printèms - Estiéu

Sòu : Ca
Autour basso e auto : 100 à 2000 m
Aparado : Noun
Jun à juliet

Liò : Bos fres - Pendis roucaious - Pelouso - Cauprenedo
Estànci : Termoumediterran à Subaupen
Couroulougi : Mediterrano-Ouèst
Ref. sc. : Sesleria argentea (Savi) Savi, 1808

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Minuartia verna & Sesleria argentea

ges

Coumpara Lineto(-dóu-printèms) emé uno autro planto

Coumpara Seslerìo(-argentado) emé uno autro planto